PREGUNTAS FRECUENTES - FAQS

1.- Levan verniz as pezas?

Non, non levan verniz, están acabadas con aceite vexetal en concreto aceite de xirasol do que se usa para cociñar.

2.- Pódense usar as pezas nunha cociña profesional?

Si, podes ver todo o relativo a lexislación sobre este tema no seguinte enlace: https://artesaniaarmaior.com/blog/gl/2020/03/20/que-di-a-lexislacion-sobre-o-uso-da-madeira-na-cocina/

3.-Pódense meter as pezas no lavalouzas?

A nosa recomendación é non meter nada no lavalouzas porque o seu uso castiga moito as pezas co que acurtamos a súa vida útil.

4.- Que coidados ou mantemento demandan as pezas?

Ao lavar as pezas con auga, esta deshidrata a madeira polo que é convinte que de cando en vez a volvamos a hidratar cun pouco de aceite vexetal, un papel de cociña impregnado en aceite de xirasol devolverá á peza todo o seu brillo. Atoparás máis información no seguinte enlace: https://artesaniaarmaior.com/blog/gl/2020/01/30/limpeza-e-mantemento-da-madeira-de-oliveira-na-cocina/

5.-É posible personalizar unha peza?

Si é posible, ponte en contacto connosco e envíanos o texto ou a imaxe que desexas pór e dirémosche se é posible e canto custa a personalización. Neste caso o tempo de entrega variará e a peza unha vez personalizada non se poderá devolver.

6.- É posible realizar encargos especiais?

Si, se queres unha peza cunhas medidas especiais ou un deseño diferente ponte en contacto connosco, cóntanos a túa idea e dirémosche se é posible realizala e canto che custaría. Neste caso o tempo de entrega variará e a peza non se poderá devolver.

7.- As táboas de cortar son dunha soa peza?

Si, as táboas son dunha soa peza non están formadas por distintas pezas pegadas.

8.- Como é o envoltorio para agasallo?

Todo o material que utilizamos na embalaxe dos nosos produtos para agasallo é de alta calidade, en tódolos casos acompañarase dunha etiqueta que certifica que a peza é un produto artesanal elaborado a man por un obradoiro artesán inscrito no Rexistro Xeral de Artesanía de Galicia, dependendo do caso estará envolto con papel de agasallo de marca Artesanía de Galicia, rematado con cinta de tea grosgrain de marca Artesanía de Galicia e bolsa premium de papel e asa de tea grosgrain de marca Artesanía de Galicia ou ben sobre de papel premium da mesma marca.

9.-¿Onde poño a dirección de entrega no caso dunha compra para facer un agasallo?

No apartado Datos Persoais introduciremos a dirección de facturación e a continuación seleccionaremos: engadir outra dirección, onde teremos a opción de achegar a dirección da persoa á que queremos enviar o noso agasallo. Debemos comprobar unha vez introducidas ambas direccións que dentro da pestana de Datos Persoais aparezan seleccionadas de xeito correcto en primeiro lugar a dirección de envío e en segundo lugar a dirección de facturación.



Se non atopaches a resposta a túa dúbida contacta con nós en info@artesaniaarmaior.com e procuraremos axudarte.